მარია მონტესორის 19 მცნება მშობლებისთვის

1. ბავშვები იმას სწავლობენ, რაც მათ გარშემოა.

2. თუ ბავშვს ხშირად აკრიტიკებენ, გაკიცხვას სწავლობს.

3. თუ ბავშვს ხშირად აქებენ – დაფასებას სწავლობს.

4. თუკი ბავშვს მტრობას უჩვენებენ – სწავლობს ბრძოლას.

5. თუ ბავშვთან პატიოსნად იქცევიან – სამართლიანობას სწავლობს.

6. თუ ხშირად დასცინიან – ხდება გაუბედავი.

7. თუ ბავშვი უსაფრთხოების შეგრძნებით ცხოვრობს – სწავლობს რწმენას.

8. თუ ბავშვს ხშირად არცხვენენ – ის თავის დადანაშაულებას სწავლობს.

9. თუ ხშირად ამართლებენ – სწავლობს საკუთარ თავთან სწორ დამოკიდებულებას.

10. თუ ბავშვთან ხშირად შემწყნარებლურნი არიან – სწავლობს, იყოს მომთმენი.

11. თუ ხშირად ახალისებენ – თავდაჯერებულობას იძენს.

12. თუ ბავშვი მეგობრულ გარემოში იზრდება და თავს საჭიროდ გრძნობს – ის სწავლობს ამ სამყაროში სიყვარულის პოვნას.

13. ნუ ილაპარაკებთ ცუდად ბავშვზე – ნურც მისი თანდასწრებით, ნურც მის გარეშე.

14. კონცენტრირება მოახდინეთ ბავშვში კარგის განვითარებაზე და ცუდისთვის მასში ადგილი აღარ დარჩება.

15. ყოველთვის მოუსმინეთ და უპასუხეთ ბავშვს, რომელიც მოგმართავთ.

16. პატივი ეცით ბავშვს, რომელმაც შეცდომა დაუშვა და იგი, მალევე ან ცოტა მოგვიანებით, შეძლებს შეცდომის გამოსწორებას.

17. მზად იყავით დაეხმაროთ ბავშვს, რომელიც ძიებაშია და შეეცადეთ, შეუმჩნეველი იყოთ იმ ბავშვისთვის, რომელმაც უკვე ყველაფერი იპოვა.

18. დაეხმარეთ ბავშვს აითვისოს ის, რაც ადრე ვერ შეძლო. გააკეთეთ ეს მზრუნველობით, თავშეკავებულობით, სიმშვიდით და სიყვარულით.

19. ბავშვთან ურთიერთობისას, ყოველთვის საუკეთესო მანერებით იმოქმედეთ. შესთავაზეთ მას ყველაფერი საუკეთესო, რაც თქვენშია.

10 რჩევა მშობელთათვის-ანტუან ეგზიუპერი

1- ნუ ელოდებით, რომ თქვენი შვილი თქვენნაირი ან თქვენ რომ გსურთ, ისეთი იქნება. ხელი შეუწყვეთ, რომ დამოუკიდებელ პიროვნებად ჩამოყალიბდეს.

2- ნუ მოითხოვთ სამაგიეროს შვილისგან იმისათვის, რაც მისთვის გაგიკეთებიათ. თქვენ მას სიცოცხლე აჩუქეთ, როგორ უნდა გადაგიხადოთ შვილმა მადლობა? ის სხვას აჩუქებს სიცოცხლეს, სხვა კიდევ სხვას და ა.შ. ეს მადლიერების შეუქცევადი კანონია.

3- თუ გსურთ, სიბერე არ გაგიმწარდეთ, წყენას შვილზე ნურასდროს გადმოანთხევთ, ანუ რასაც დასთესთ, იმას მოიმკით.

4- მის პრობლემებს ქედმაღლურად ნუ შეხვდებით. ცხოვრებას ყველა საკუთარი ძალების შესაბამისად უძლებს. იცოდეთ, მისთვის ცხოვრების ტვირთი შეიძლება გაცილებით მძიმეა, ვიდრე თქვენთვის, რადგან მას ნაკლები გამოცდილება აქვს.

5- არ დაამციროთ!

6- ნუ დაიტანჯავთ თავს, თუ შვილისათვის რაიმეს გაკეთება არ შეგიძლიათ. სინდისმა მაშინ უნდა შეგაწუხოთ, თუ შეგიძლიათ და არ აკეთებთ.

7- თუ შვილისათვის ყველაფერს არ გაიღებთ, ეს ნიშნავს, რომ არასაკმარისად გაგიღიათ.

8- შვილი ტირანი არ არის, რომელიც მთელ თქვენს ცხოვრებას ეუფლება. ის ძვირფასი ფილაა, რომელიც ცხოვრებამ შესანახად, გასაფრთხილებლად და მასში შემოქმედებითი ცეცხლის გასაღვივებლად მოგაბარათ.

9- უნდა შეგეძლოთ სხვისი შვილის სიყვარული. არასდროს გაუკეთოთ სხვას ის, რაც არ გინდათ, რომ თქვენს შვილს გაუკეთონ.

10- გიყვარდეთ საკუთარი შვილი, როგორიც უნდა იყოს იგი- უნიჭო, უიღბლო, ზრდასრული. იხარეთ მასთან ურთიერთობით, რადგან ბავშვი დღესასწაულია, რომელიც ჯერჯერობით თქვენთან არის.